Categories
समाचार

ह्यारी-मेघनलाई पुत्रीलाभ, बेलायतबाट बधाईको ओइरो

बेलायतका पूर्वराजकुमार ह्यारी र उनकी पत्नी मेघन मार्कललाई पुत्रीलाभ भएको छ। मेघनले शुक्रबार क्यालिफोर्नियास्थित एक अस्पतालमा छोरीलाई जन्म दिएकी हुन्। मेघनले यसअघि पहिलो सन्तानका रूपमा छोरालाई जन्म दिएकी थिइन्।

३.४ किलोग्राम तौल भएकी उनीहरूकी छोरीको नाम ुलिलीु राखिएको छ। उनको पूरा नाम भने लिलिबेट डायना माउन्टब्याटन-विन्डसर हुनेछ। ह्यारीकी आमा डायनाको नाम उनको नामको बीचमा राखिएको छ। हाल आमा र बच्चा दुबैको स्वास्थ्य सामान्य रहेको जनाइएको छ।

लिली बेलायती राजपरिवारकी यस्ती सदस्य भएकी छन् जो अमेरिकाकी राष्ट्रपति पनि हुन पाउँछन्। ह्यारी र मेघनलाई पुत्रीलाभ भएपछि बेलायतबाट उनीहरूलाई बधाईको ओइरो लागेको छ।

बकिङहम राजदरबारका प्रवक्ताले लिली जन्मिएको खबरले महारानीसहित राजपरिवारका सबै सदस्य खुसी भएको प्रतिक्रिया दिएका छन्। ह्यारीका दाइ-भाउजु राजकुमार विलियम्स र केइटले सामाजिक सञ्जालमार्फत् उनीहरूलाई बधाई दिएका छन्।

Leave a Reply

Your email address will not be published. Required fields are marked *